અવતરણ – નવો અવતાર
માઝૂમથી ઍર તીરે

જાન્યુઆરી
15
ના ખોવા દઈશ ક્યારેય
તારાં આરસી નયનનાં કામણ
યા
રાતે મારા ગાલ પર ઉપસતાં
તારાં શ્વાસનાં ગુલાબી આંજણ

છું વ્યથિત ક્યાંક થઇ ના જાઉં
એકાકી  કાંઠે
કોઈ  ડાળ વિહોણું થડ હું
દુઃખ તો અપાર એ
કે નથી કેસર, પુષ્પ યા પંક
મારી ઠગારી આશાના કીડા કાજે

તું  જો મારો અપ્રગટ ખજાનો છો
છો જો તું મોક્ષ મારો, મારાં  દરદનું મારણ
ને હોઉં હું  કેવળ શ્વાન અને માલિક તું
તો-
ના ખોવા દઈશ મને કે જે કૈં  પામ્યો છું હું
અને શણગારવા  દે  તારી રૂપકડી નદીમાં સમાતાં ઝરણાંને
મારાથી  વિખુટેલ પાનખરનાં સ્વર્ણિમ પર્ણોથી

ના ખોવા દઈશ ક્યારેય
તારાં આરસી નયનનાં કામણ
બાબુલ 
Based on translation of 
Never let me lose the marvel
of your statue-like eyes, or the accent
the solitary rose of your breath
places on my cheek at night.
I am afraid of being, on this shore,
a branchless trunk, and what I most regret
is having no flower, pulp, or clay
for the worm of my despair.
If you are my hidden treasure,
if you are my cross, my dampened pain,
if I am a dog, and you alone my master,
never let me lose what I have gained,
and adorn the branches of your river
with leaves of my estranged Autumn.

Federico García Lorca
એપ્રિલ
08
ડીજીટલ દુઆ 

પ્રભુ

સકલ વિશ્વના સર્વર પર
જિંદગીના લેખાજોખા ચાતરતું
 મારું અકાઉન્ટ પણ ક્યાંક હશે
ચાહું તો છું કે એ ખાતે
યુઝરનેઈમ ને પાસવર્ડ મળે
કિન્તુ
જાણું છું કે એ પ્રોટોકોલ નથી
એથી

એટલી અરજ રજુ કરું

કે

મારા ખાતાના તમામ સ્ખલનો ને
ડીલીટ કરી દ્યો
પ્રભો
સ્તુતિ અર્ચન દુઆ હવે
કરું છું સતત લોગ
ને વર્ચ્યુઅલ પ્રાર્થના થકી
રાખું છું તારું સ્મરણ અલાઈવ
તારા જ કોઈ એક વાદળમાં
સિક્યોર મારા અકાઉન્ટને
બક્ષી દો
પ્રભો.
બાબુલ 
વેટિકન, જુલાઈ ૨૦૧૧
ફેબ્રુવારી
05

છે કાઈ જુદું હવે ચાલમાં
ખોવાઈ જાતે આજ કાલમાં
કોઈ તો બતાવે કે કેમ રે
લાગે મને ઓછું વ્હાલમાં

બાબુલ

જાન્યુઆરી
31

નિરાંત શોધું છું

હું જાત શોધું છું

છે કેટલી મારી

વિસાત શોધું છું

રે સપના જેવી

એ રાત શોધું છું

ક્યાં હતી ખાનગી

જે વાત શોધું છું

છું  બાબુલ તો યે

હું તાત શોધું છું

ન  હોત જો બાબુલ

શું થાત શોધું છું

 

 

બાબુલ

જાન્યુઆરી
28
દોસ્ત જો થવું હો તો  વિશ્વાસ બની જો
આખરે પણ થાય તો પ્રાસ બની જો
આવ તો  કરું ખાલીપાને  રણકાતા
ઓ હવા તું કદી મારો શ્વાસ બની જો
બાબુલ ૨૨/૧/૧૨
જાન્યુઆરી
02

નવી તારીખ નવું પાનું છે
હેપી ન્યુ યર આવવાનું છે
ઘડીના લગોલગ છે બાહુ
ફરી નાચવાનું બહાનું છે
થયું આ વરસ પાયમાલ
અને ખાલી મનનું ખાનું છે
જવા દે ન પૂછ કેવું ગયું
કેવું હશે નવું જોવાનું છે
કરીએ આંખ બંધ બાબુલ
કહે છે કે સપનું મજાનું છે

બાબુલ

ડીસેમ્બર
18

ઘેટું – બાબુલ

એક ઘેટું
એકલું બેઠું
વાડ ઠેકી
ખેતરે પેઠું
નથી જોતું
ઘાસ એઠું
ભાંડુથી એ
કેટલું છેટુ
બાબુલ તું
લાવ હેઠું
બાબુલ
એડિનબરો ૧૪/૬/૧૦
ડીસેમ્બર
15

ભય- બાબુલ

ઉંચાઈનો ભય લાગે છે
ઉંડાઈનો ભય લાગે છે
આંબીને શિખરને અંતે
આ ખાઈ નો ભય લાગે છે
અરે વાત શું કરું દોસ્તો
કે  ભાઈનો ભય લાગે છે
જીત્યા તો  સિકંદર હા રે
કાં રાઈનો ભય લાગે છે
બાહુપાસમાં ન લો જાનું
જુદાઈનો ભય લાગે છે
શું માપથી મળશે જમીન
લંબાઈનો ભય લાગે છે

 બાબુલ

ઓગસ્ટ
30

ઈદ મુબારક

કોઇ દિ દુખડા કોઇ દિ મોજ
રોજ રોજ રોજા ઈદ ય રોજ
તારણ એક એ તારણહારો જ
ખુદમાં ખુદ તું ખુદાને ખોજ

બાબુલ

ઓગસ્ટ
28
ડીજીટલ દુઆ પ્રભુ

સકલ વિશ્વના સર્વર પર
જિંદગીના લેખાજોખા ચાતરતું
 મારું અકાઉન્ટ પણ ક્યાંક હશે
ચાહું તો છું કે એ ખાતે
યુઝરનેઈમ ને પાસવર્ડ મળે
……
વધુ અહીં છે:
%d bloggers like this: